شرح لجميع مراحل التعليم - ملازم - مراجعات - باور بوينت - تعليمي - روابط مباشرة
 
الرئيسيةألعاب فلاشبحـثالتسجيلدخول
المواضيع الأخيرة
إعلانات
بحـث
 
 

نتائج البحث
 
Rechercher بحث متقدم
ساعة



شاطر | 
 

 قصيدة " يا منه " للشاعر الكبير عبد الرحمن الابنودى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امينة حماد
مشرف
مشرف


الجنسية : مصري
رقم العضوية : 4000

الجنس : انثى عدد المساهمات : 2618
نقاط : 6315
تاريخ الميلاد : 21/01/1960
تاريخ التسجيل : 01/08/2010
العمر : 56
الموقع : المشرف العام

الأوسمة
 :
أوسمه (أمينة حماد هنا)
الوسام التعليمي للمتميزين فقط



مُساهمةموضوع: قصيدة " يا منه " للشاعر الكبير عبد الرحمن الابنودى    2010-09-29, 13:12

عزيزي الزائربعد انتهاء تحميل الصفحة سيظهر
صورة من الملف + رابط تحميل مباشر
:dgg:

يامنه

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت



الرجوع الى أعلى الصفحة اذهب الى الأسفل
Admin
المدير
المدير


الجنسية : مصري
رقم العضوية : 1

الجنس : ذكر عدد المساهمات : 3980
نقاط : 11706
تاريخ التسجيل : 23/07/2009
الموقع : مدير الموقع

مُساهمةموضوع: رد: قصيدة " يا منه " للشاعر الكبير عبد الرحمن الابنودى    2010-10-05, 14:52

عزيزي الزائربعد انتهاء تحميل الصفحة سيظهر
صورة من الملف + رابط تحميل مباشر
لماذا لم أفهمها

بصراحة تحتاج شرحا وتوضيحا


[url=ahmedkattan@gmail.com]ahmedkattan@gmail.com[/url]
الرجوع الى أعلى الصفحة اذهب الى الأسفل
http://amlfybokra..com
 
قصيدة " يا منه " للشاعر الكبير عبد الرحمن الابنودى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمل في بكرة :: منتديات سحر الكلمة :: سحر الكلمة بالعامية-
انتقل الى:  
 
الإدارة ليست مسئولة عن محتوى كل موضوع بل تقع مسئوليته على كاتبه© phpBB | انشاء منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك